بقلم/ عواطف عفيفيى
سنين بحلم بفارس
يدفي قلبي اللي بارد
ويبعث لروحي الحياه
صحيح نفسي بيخرج
وبيدخل تاني علشان اعيش
وصحيح الروح لخالقها
ولو مش سعيده فصبرا
يمكن معاك السعاده
بحلم تيجي تقولي
انتي قمري وضلي
وسنين عمري اللي ولت
وفرحه سنيني الجايين
واصحي من حلمي ادور
علي تحقيقه ملاقي
غير تعب السنين
وشقي ومرار ايام جايين
انت مين ياشاغل خيالي
وهم ولاحقيقه مكتوبالي
أوصافك دايما في خيالي
وحبك كل امالي
لكن اجيبك منين
عشقت معك احلامي
بيتتحقق فيها امالي
والفرح فيها كتير
لكن بصحي حزينه
واجري بالمشوار
اخلص الاحمال
واتعب وانا شغال
علشان اتهد وانام
وانتظرك بالأحلام
يا شقي من كان خالي
ومن الحب محروم
مايخلي يوم خياله
من حلمه يبقي عاشق
ويصحي علي الحقيقه
عمره ماهيطول النجوم
